ع الشط قاعده لوحديه ....... بين الهوا وبين الميه
وأحلامي صاحيه وورديه .... وقعدتي أحسن غيه
واللي فيها مصاحبني .......... في كل يوم غروب الشمس
حبيته وهو حاببني ................والموج بيحكيلي بالهمس
في وقت فرحي وحزني .. لمسه هواه جوه حضني
شكله وملامحه ف حسني ....
غيرك يا موج مين بيا حس
رسمت صوره لأحلامي ................ ع الرمله تسبق أيامي
الموج خطفها وسرقها ............. فجأه اختفت من أودامي
زعلت منه صالحني ....... وقاللي حلمك صارحني
وقاللي حلمك سامحني .....
لقيته جاني ف منامي
بسرح تمللي ف أفكاري ............. في ليلي أو حتي نهاري
بعيش معاهم حياتي ............. عارفنني وعارفين أسراري
هما الونس هما الصحبه ... وروحي ليهم متصاحبه
وذكريات ليهم ساحبه ......
وانا أميرة أفكاري
الشاعر الغنائي / عرفات فرج الله بلبل
ليست هناك تعليقات:
إرسال تعليق