في عِز ما كنت بحتاجلَك
مشيت ورفضت ليه تِسمع
ولمّا رجِعت وسألتك
جاوبت وقولت مش ينفع
خلاص قول اللي نِفسَك فيه
وأنا صدّقني هتحمّل
وقلبي مهما تيجي عليه
هيصبر عادي ويكّمل
فيه غلطة سهل أعدّيها
وغلطة لا يمكن أمحيها
مشاعري جرحتني فيها
لكن بكره الحساب يجمع
في عز ما كنت بحتاجلك
مشيت ورفضت ليه تسمع
في وقت ما كُنت مشتاقة
لاقيت قلبك بيتجاهل
وقولت الوحدة حرّاقة
لاقيتك بردوا مش سائل
ويوم ورا يوم شعوري قلّ
عشان مالقتش وياك حل
وحبي كان لازم ينقص
لأن البعد شئ مش سهل
هتترجى أكيد فيا
لكن عمري ما هسمعلك
وكسرة قلبي وعينيا
ده كله بكره يرجعلك
ومهما تجيني تستسمح
وتطلب إن أنا اسامحك
لا عمري في يوم أكيد هسمح
ولا هنسي في يوم جرحك
بقلمي عبدالحميد وهبه
ليست هناك تعليقات:
إرسال تعليق