ولفيت سبع بحور
وسبعين بير
وفي آخر بير طلعت لي
تقولش حور عين
الوجه زي القمر
والشعر ناعم حرير
أنسية ولا جنية
قالت أنا هدير
وعيونها سحبتني معاها
وخدتني جوهه جوهه البير
بير ما لوش قرار
علي فين وخداني ياهدير
قالت اسكت ما تتكلمش
فرشالك قلبي بالحرير
تقعد هنا
وتسكن معايا يا أمير
وضحكت ضحكة حلوة
جننتني وخوفتني
وقالت بص لأسمي وأسمك
احمد و هدير
قصة مكتوبة ياسمو الأمير
اقعد في حضن قلبي
واحكيلي قوام يا أمير
لفيت وعرفت وحبيت
وفي الأخر وقعت في البير
ها تحبني و تعشقني
وتتوب علي ايدي يا أمير
بس خلي بالك موتك
في بعدك عني يا أمير
قولت وحياتك ياهدير
منا طالع من البير
هنام واتغطي بشعرك الحرير
ومن حضن قلبك الدافي
مش طالع يا هدير
حتي لو قالوا وقعت ياكبير
هقولهم ايوه وقعت في حبك
وغرقت كمان في البير
واحبك يا هدير
بقلم
احمد محمود
من ديوان سكة العاشقين
ليست هناك تعليقات:
إرسال تعليق