شقشق الفجر
وانا راجع وشايل
اخويا اللي اتقتل غدر
بصرخ ونادي بأعلي صوت
علي الولد ابن البلد
حسين مات يابلد
موتت ياولد
قتلوك ياحسين
دا لسه جايلك
خبر من البلد
مرتك سعدية
جابت ولد
طب ذنبة ايه
اللي اتولد
يصبح يتيم
ويعيش حزين
وحياة الغالي والنفيس
هاخد بتارك ياعريس
ايوا عريس ما هو
لسه ما كمل سنة
يبقي عريس
عريس والليلة حنتك
والزفة هتبقي في جنتك
لأنك شهيد
بطل وشهيد
يوم الشهيد
بقلم
احمد محمود
من ديوان حبة رتوش
ليست هناك تعليقات:
إرسال تعليق