عارفين كلمة نشط الآن
لمّا بشوفها يجيلي جنان
بس ألمحها أنا ع التليفون
عقلي بيصبح في خبر كان
لمّا بشوفها أكيد بطّمن
بتفرّح قلبي وبتهوّن
صارت يعني بالنسبالي
أجمل كلمة وأحلى مسكّن
وإن غابت عن عيني ثواني
الفرحة بتبقى مخصماني
والقلب بيحزن من تاني
وبيعلن حالة العصيان
عارفين كلمة نشط الآن
كلمة بسيطة قوي في معناها
والكل بيشوفها عادية
لمّا بشوفها بحس معاها
بحالة غريبة ومش طبيعية
جايز ده من كتر الحب
عيني تشوفها القلب يدّب
وأمّا بتختفي لو لثواني
ببقى في وضع مُريب وصعب
جايز يعني تقولوا ببالغ
بس دي فعلاً بتكون حالتي
وإن كلامي أكيد مش فارغ
ده بيوصف قصتي وحكايتي
عشقي وحبي مربوط بيها
أكتر كلمة تشدّني ليها
بتنور في عيوني الدنيا
وسنيني المرة تحلّيها
بقلمي عبدالحميد وهبه
ليست هناك تعليقات:
إرسال تعليق