زاد الالم
محتاج. لورقه مع الم
محتاج اتمتم للصنم
والديب الحارس للغنم
حرف الكلام مني اتحرق
وكلامي تعبان ع الورق
هات الورق..... اكتب رساله مشفره
اكتب وقول.. امه ماجابت يوم قدام
وشطاره بس تجيب ورا
واكتب كمان........ لكل بشناب جبان
انت ف امان .طول ماالبلوزه مشجره
وهاتلي الصنم ...مش هارجمه
ولا كسره. ولا هاعدمه
انا بس. ..عايز اطمنه
هاتكون صنم....... والباقي منك هاردمه
ومعبدك مش اسهدمه. ....وتفضل صنم
وانت وعبيدك. تصطفوا
وانت وكرامتك. ادفو
وانت نصيبك. يعبدوك
او بجزمهم. حدفوا
اما.. الغنم.... والله عيب
يبقي امانكم.. ف يد ديب
يعني مفيش بينكم خروف
اتباهي ياما بعزوته
وكان بيحلف يوم بصوف
ولا بأرونه وفروته
ولسانه ماء ماء مانخرس
شملول وف رقبته جرس
لمح لديب . ماسك اخوه
ونابه ف رقبته. غرس
وبتسألوني افترس !!?
لا. بس. نهشه.. الحرس!!!
لساك.. بتسأل. ياخروف
هز برقبتك للجرس
شخلل
.....انا خلصت
بقلم محمود عفيفي دومه
ليست هناك تعليقات:
إرسال تعليق