(عشان عليك ؟؟##)
عشان عليك العشم
عمري ما شيلت الهم.
وعشان يارب
مابتخلفش الظنون.
أحسنت بيك الظن.
ورفعت إيدي ليك.
أدعي وحافظ دعاي
صم........
قولت يارب العونه.
نظرة ومدد منك
عايش بطولي بعافر
بدون خال ولاعم....
لاسند يسند لي ضهر
وولادي لسه صغار.
ولا حد يحمل هم.
بحر المعافره غويط.
لا له شط ولامرسى.
والعمر من بين الكفوف
إتسرسب.
والحسنه لو بتخص
السيئه بتعم...
والدنيا لو طالت سنينها
في أخرتها قبر بلم.
وعشان عليك العشم
عمري ماشيلت الهم.
الفقر مش عيب
العيبه تلاقي
ناس بتذم.....
من صغري راجل
كبرت قبل آواني.
لا عرفت طعم الطفوله.
وكان لي مين مهتم.
دوقت طعم العرق
متصبب من على
الجبين ملح ومرارته
تغم.......
وعشان عليك العشم
عمري ماشيلت الهم.
وعشان يارب مابتخلفش
الظنون أحسنت بيك
الظن نظره ومدد منك
أكون كما أردت
تفرج كرب أنا فيه.
وفيضك يارب بعم.
خلقتنا بتدابيرك
عالم بكل صغيرة.
وكبيرة مش فارقه
معاك الكم......
وعشان عليك العشم
عمري ماشيلت الهم
21/6/2024
(بقلمي.....؟؟
(الشاعر /خيرى حسنى...)
ليست هناك تعليقات:
إرسال تعليق