بعتالي كلام فيه بتعاتب
وبتشرح فيه إيه قصتها
بتقوللي إني عديم الواجب
وإني ماقدّرتش حكايتها
بتعاتب فيّا وبتقوللي
يرضيك كده يعني اللي حصلّي
فيه غيرك يجي مليون واحد
يتمنّى بإنُه يوصلّي
وكمان بتقول إني شيطان
مغرور ع الآخر وجبان
كل ده بقى فعلاً علشان
ما وافقتش ليه على صداقتها
بعتالي كلام فيه بتعاتب
وبتشرح فيه إيه قصتها
بعتتلي رسالة على الخاص
بتعاتب فيها وبتلومني
بتقوللي على أي أساس
إنك ع الرف بتركّني
من ضمن كلامها اللي قريته
ولمسته بجد وحاسيته
إنّها مفروسة وزعلانة
وطلبها إزاي أنا عدّيته
فيه ناس ع الصفحة وموجودة
بصفاتهم يعني الطبيعية
وفيه ناس في اللستة المرفوضة
أسماء وصور مش حقيقية
ودي داخلة بإسم وصورة غير
موجود من كده ناس ياما كتير
ف إن كنت رفضت أكيد طلبِك
ف ده يعني مش إسمه عدم تقدير
بقلمي عبدالحميد وهبه
ليست هناك تعليقات:
إرسال تعليق