من غير ما تحاول تتردد أو حتى تفكّر
إستثمر حُبك في القلب اللي أكيد هَيقدّر
لو يوم فكّرت كده براحتك وأخدت قرارك
هتلاقي الحب بيرجعلك أضعاف أو أكتر
القلب المليان بمودّة وأشواق وحنين
لو قولت بحبَك الكلمة ترجع ملايين
الربا في الحب أكيد عندُه مشروع ومُباح
والفايدة مُضاعفة أكيد عنده ما فيه منها إتنين
القلب اللي تملّي بابُه دايماً مفتوح
القاعدة الحلوة أكيد جواه بترد الروح
وإن إحتاجتلُه وقت ما هتكون فعلاً مجروح
هتلاقي دواك دايماً وياه قبل ما تستَفسر
من غير ما تحاول تتردد أو حتى تفكّر
فيه قلوب تستثمر جواها بتطلع خسران
مافيهاش ولا راحة ولا فايدة ولا حتى أمان
وإن جيت فكّرت في يوم تتحاسب وياهم
م الجايز يعني أكيد تُخرج مديون ومُدان
ف إختار القلب اللي هيصلح تستثمر فيه
والحب معاه دايماً هيزيد وهيكبر بيه
إختار القلب اللي بيشبه روحك ومشاعرك
علشان لو هونت في يوم ع الكل ماتهونش عليه
بقلمي عبدالحميد وهبه
ليست هناك تعليقات:
إرسال تعليق