ياسارحة وماشية في نفق الأحلام
لا تهربي وين ماشية بهالظلام
لا تهربي وحق يلي بصدرك ربي
وحق الهوا وليل الهوا وسهرات عشناها سوى
عصفحة عيوني اكتبي
وعمرج صدري العبي
لاتهربي من وطن حبك ومروج الهوى
قلبي حديقة عشق وميدان قوة ومرجلة
وانت وانا عشبات اول مرحلة
بالحب نسقيها حكايا وترغلة
لا تهربي
انت وانا والحب عنوان الدني
وحدة حال لا كذب فيها وبربكي
حب وحلا ودرغل بيغني حكي
ليش بدك تهربي وتتركيني للبكي
وتعيشي بانفاق الظلام ملبكي
انت وانا طفلان في عمر الهوا
وامي وامك بالعمر ربيوا سوا
وبيشهدوا عن حب عشناه سوى
ليش بدك من حياتي تهربي
ارجعي لحضن حبك والعبي
منكمل المشوار حاجي تتعبي
لا تهربي وحياة يلي بصدرك ربي
جرجس لفلوف سورية
ليست هناك تعليقات:
إرسال تعليق