بقلم
محمد فوزي عبد الحليم
قالت لي اكتب لي قصيدة
تخصني
و يبقى الكل عليك شاهد
و شايف .
قولت لها احترت اغازل
فيك العيون و لا الرموش
و لا الشفايف .
قالت لي اكتب لي قصيدة
و قول لي فيها ما بدا لك .
و لا ارسم لي صورة من
خيالك .
بس اوعى تكون للصورة
شافف .
قلت لها
هوصفك نسمة من هواء
الجنة و مخلوقة من عدة
لطائف .
العيون غزلان و شاردة
و الشفايف روز و ورده
و الرموش درع و قزائف .
قالت لي طيب و كحلي
و لا خصري و لا عطري
و لا شعري ده اللي
موجو جارف .
قلت لها
الكحل حارس الأقمار
سياج من طيب و عنبر
و ظلة على الخد وارف .
قالت لي قول كمان
قول و خلي كل حتة فيه
تنطق بالجمال
قول و خلي كل حتة فيه
تقول انا سحري خاطف .
قولت لها خايف ابالغ فى
الكلام لتقولي كاذب و لا
تقولي شعره زي غرامة
زائف .
قالت لي قول و ملكش
دعوه . قول و لاغيني
بالكلام و لا انت حقيقي
بجد خايف .
قلت لها
غار الشعر من كتر المفاتن
و قال انا تاج الجمال فوق
رأس الحورية و عطري
لجمالها واصف .
ضحك الخصر من الكلام
و قال انا رمانة الميزان
مخلوق من عاج و مرمر
و العاشق بمداري طائف .
و لو على النهد اامريني
اكتب لك فيه ديوان
قصائد .
ما هو اصله قائد و انا
فى الهوى جندى على
الولاء و الطاعة حالف .
ضحكت
و ردت عليا خفف غزلك
شوية مش زمبي اني
حورية و مخلوقة من
عدة لطائف .
قولت لها صدقيني ده
مش غزل
و لا إنشا او مبالغه فى
العواطف .
انا حقيقي بعترف لك
و بأقر ليك بأمر واقع
انت نسمة من هواء الجنة
و الكل على اعتابك صابر
و واقف .
قالت لي معقول كلامك ده
كله ليا
و لا قبلي ياما قولته لدي
و ديه
و الشوق ما بينكم كان
ناره قايده و ريحه عاصف .
قولت لها قبلك و ياما
قبلك حبيت كثير و كنت
واهم اني فى الغرام
فاهم و عارف .
و بعدك قد ايه احتكرت
جهلي لما خدتيني بغرامك
لدائرة معارف .
دائرة فيها ذوق و رقة
دائرة فيها طيبة و حسن
عشرة و فيها ياما كثير
محاسن .
و يا سلام على الرب لما
يبقى من فيض خيرة
للعبد صارف .
و انت لو مش عارفة
قيمتك صدقيني
انا حقيقي بجد عارف .
ما هو انت لو خضتي فى
حياتك تجربة
انا قبلك فى الهوى . ياما
ياما خضت كتير مواقف
ياما خضت كتير مواقف .
محمد فوزي عبد الحليم
جمهورية مصر العربية
ليست هناك تعليقات:
إرسال تعليق