.................
حبه تفاريح كده ع الماشي
والفرجه بلاش
روحت لعرافه أشوف بختي
فقالت لي بلاش
طالعك مش زين
خايفه أقوله
ونصيبك تاه ملغي وجوده
حظك مسجون جوا فى قمقم
شايفاك مربوط
مختوم على قلبك يوم تعشق
نبضك مفقود
وتعيش فى الدنيا كما التايه
لا فى أيده وعود
محبوس في الليل لليالي تانيه
عمرك ما تحب ولو ثانيه
وجواز مرفوض
معقوله كلام يقلب حالك
أوهام وخداع
زرعولنا الشوك قبل أوانه
وحصاده إتباع
وكتابهم بان من عنوانه
متجوز من سنتين فاتوا
عن حب كمان
وقلبي بيدق إزاي
عايش كده كدبك بان
طاير في غرامه وأحلامه
إزاي مربوط
وشوش عفاريتك
وأتاكد مين ده المقصود
مش حفله شاي
جاي لي تهزر
هتعيش متهات
تتمنى سلامي ما هتطوله
وأعتبرك من شهر
بطوله في عداد لأموات
محفوظ وبإذن الله طبعا
في عينيك ميه عود
إن تقدر تنفع كنت إنفع
حالك يا حسود
ده مجرد وهم
لا هنعيشه وهنقفل بابنا
بترابيسه ولا لك هنعود
وهنفضح أكاذيب عفاريتك
بوشوشكوا السود
بقلم .. صبري رسلان
ليست هناك تعليقات:
إرسال تعليق