مابعشقكيش .....؟
وبتقولي كمان إني ماحبّتكيش
طب إزاي يعني وأنا بَعدِك
باقيت والله صعب أعيش
مابعشقكيش
وبتقولي وجودك جانبي مايهمنيش
طب إزاي يعني وأنا وقتي
في بُعدك عني مابيمشيش
حكمتي إزاي على حُبي
وحكمِك كان بأي أساس
أكيد لو شُفتي يوم قلبي
ساعتها هتعرفي الإحساس
وصورتك هتلاقيها فيه
وعِشقك بردوا عايش بيه
لو أحكي طول حياتي عليه
أكيد الوقت ما يكّفيش
مابعشقكيش
وبتقولي كمان إني ماحبّتكيش
مابعشقكيش
كلام من غير دليل فعلاً مايلزمنيش
أكيد فيه كلام يكون عادي
وكلام تاني مابيعدّيش
مابعشقكيش
طب إيه غيّرِك فجأة وخلّاكي ماتفهَمينيش
ده كنتي لمّا تشوفيني
كانت الفرحة ماتسعكيش
إيه غيّر نظرتك ليا
وليه شاكّة في أشواقي
مشاعري ليكي حقيقية
وع العشرة أنا باقي
سؤال ماكنش في محلُّه
ولا إتوقعت نوصلُّه
ده مفروض بعد ده كله
في حُبي ليكي ماتشكّيش
مابعشقكيش
وبتقولي كمان إني ماحبّتكيش
بقلمي عبدالحميد وهبه
ليست هناك تعليقات:
إرسال تعليق