قلم السيد بدر
كنت بتلهف رجوعي
وكنت بشتاق للرجوع
كنت بحسب ألليالى ليله ليله
واللى باقي من الليالى كل ليله
وليلاتي كان حلمي الرجوع
....
كنت بحس برجعتي للجنه راجع
غيرك م كانلي جنتي
وعشان ماكنتي جنتي
كنت بحلم كل ليله ليكى راجع
.....
مبقتش متلهف رجوعي
وعادي مش فارق رجوعي
ولاباقي كام وفاضلي كام
حضن مين يساوي حضنك
حضن مين من بعد حضنك
روحت جيت
يفرق كتير ياحبيبتي من بعدك رجوعي
ويفرق حضن مش حضنك
.......
ماعتش جنه أرجعلها
ولا جنه بعدك شوفتها
بعدك نسيت ألعدد وباقيت أتوه فى ألعدد
ماعاد يفيد ألعدد ولا رايحه من جايه
....
مابقيتش أحس بعدك حبيبتي
فرحة رجوعي
مابقيتش أحن بلهفتي
ولمين رجوعي
سافرت لهفة الرجعه
مافيش النيه للرجعه
مين أستني وكان مستني
وكان بيعد وبيحسب وبيفكرني بالرجعه
مابقيتش أحس
بعدك حبيبتي فرحة رجوعي
سافرت خلاص حبيبتي بعدك
لهفه رجوعي
لمين ارجع ولمين بعدك رجوعي
ليست هناك تعليقات:
إرسال تعليق