_عبد خلف حمادة
__$$_
حنان وردة صبح،و مفتحه بالحيل
حنان شفة گهوه،و مطيبة بالهيل
بهواها آني انصبت،وتولعت ياليل
الطول رمح الهند،جنب النضد مَرْكي
حنان شنف الذهب،والناسجو تركي
نيران حبها اسعرت،إلمن أنا أشكي
مجنون بيها صرت،واصيح ويل الويل
حنان ست النسا،خاتون عالكلي
ريج ن عليها عسل ياناس عالحِلي
والرمش سيف العرب،مصبوغ بالكحلِي
والشعر ليل الشتا،والهوا يلعب بيه
حبها سرى بالعظم،مگدر أنا داريه
يخوي عِشگ الگمر،حتى الچبد يشويه
مهره أصيلة نسل،خيالها النشمي
والوجه گرص بسمن،والزين بالخشمي
أخلاقها بالسما،حُسن و ذكا و حُشمِ
لُون الخشف ينشرى،بالروح آني اشريه
__$_$____
مع تحيات الشاعر والكاتب عبد خلف حمادة
ليست هناك تعليقات:
إرسال تعليق