مادام القُرب زي البُعد
خلاص الأتنين بقوا واحد
وزييّ زي أيُها حد
ويوم ورا يوم بنتباعد
خلاص صار البعاد أريح
بدال ما ف بعضنا نجرّح
بدال وياك ماهيش فارقة
أكيد يعني الفراق أصلَح
خلاص على نفسي أكيد هرضى
أعيش مع قلبي في الوحدة
ساعات ومسيرها تتقضى
وربك بردوا بيساعد
مادام القُرب زي البُعد
خلاص الأتنين بقوا واحد
مادام عندك ماهوش فارق
وجودي يعني من عدمُه
خلاص نِبعد ونِتفارق
وننسى الحب مع ألمُه
مادام إنت أخدت قرار
ماسبتش بيه قصادنا خيار
قرارك كان قرار واضح
مافيش فيه نية إستمرار
كلامك صار معايا قليل
و ردك كان بكام كلمة
أكيد طبعاً ده يبقى دليل
على دخولنا في نفق ضلمة
مافيش بينّا كلام لسه
خلاص كده خلصت القصة
هحاول إني أتأقلم
وأحاول إني أعيش وأنسى
بقلمي عبدالحميد وهبه
ليست هناك تعليقات:
إرسال تعليق