شعر سعيد حمدى محمد
★★★★★
يا شادوفي ...
طول عمري ألفك بكفوفي
على يدك ورسمت حروفي
ورويت الأرض بعرق الشقا
وبدرت الخير والنور والتقا
وايماني ..بيضيع خوفي
★★★★★
والغيط يصبح ويبات
حدوته على جدر نبات
يندهلي من جوه سكات
راح تجني ثمار الحكايات
عشنا نحلم بالمحاصيل
وغنانا احلى المواويل
جنحاتك على الميه تطبل
حمالتك بتقولي يا ليل
★★★★★
انا وانت سلاطين وممالك
بس نسد ايجار المالك
ترسه الداير على الفلاح
هد عزيمته بقى متهالك
★★★★★
دلوقتي جاي الخوف وبشمعه
لا الزرع يخيب يوم جمعه
ومنين انا وانت يا صاحبي نجيب
للمالك احقاده وطمعه
★★★★★
نترحم على زمن اهو فات
كان نورج واربع بقرات
دلوقتي انسخطوا لمعزات
ويا ريتهم بس هيستنوا
★★★★★
طحنوا الفلاح طحنوه اكمنه
لا نقيب ولا غيره يحوش عنه
بس دا لو كنتوا هاتستنوا
له ربه ما بيغفل عنه
★★★★★
شعر " سعيد حمدى محمد
7/3/2023
ليست هناك تعليقات:
إرسال تعليق