لو فات من عمري أكيد تِلتين
ف أكيد إنت التِلت الباقي
لو حتى حبيبي هيبقى يومين
راح أعيشه وأجدد أشواقي
لو عمري الماضي أكيد كان كوم
ف أكيد الجاي ده كوم تاني
وهعيشه معاك أنا يوم بيوم
علشان أنا أعوٌض حرماني
ننسي اللي خلاص ولّى وعدّى
أيام مع بعض هتتقضّى
صدّقني أنا مش ممكن هرضى
ولا يوم بفراقك وفراقي
لو فات م العمر أكيد تِلتين
ف أكيد إنت التِلت الباقي
لو فات تِلتين عمري بدونك
التِلت الباقي هكون جانبك
ولا لحظة هغيبها عن عيونك
وهعيش وأسكن جوه في قلبك
لو حتى التِلت ده كان أيام
هنعيشُه كأنه سنين قدام
ونعوّض فيه كل ما فاتنا
ونحقق فيه كل الأحلام
لو كل الناس ليها حسابها
ف حسابنا أكيد هيكون غيرهم
فيه حاجات فعلاً ربك جابها
ماكنتش في بالنا ولا ف بالهم
لو فات تِلتين العُمر و مَر
ف التِلت الباقي بألفين عُمر
يكفينا أنا وإنت نكون مع بعض
ومسير الصعب يفوت ويمر
بقلمي عبدالحميد وهبه
ليست هناك تعليقات:
إرسال تعليق