لو تقدر تهرب
من قدرك
طب فين هاتعيش
ماهو كل الكون
ملك لربك
فبلاها وعيش
لو جالك ضحكه
قوم اضحكها
يمكن ماتجيش
لو جرحك زاد
اوعي تسلم
وتعيش درويش
الدنيا دي ربك قسمها
علشان مانعيش
الليل لو زاد
قوي في العتمه
بيكون ورنيش
بيلمع في الصبح ويرسم
حواليه تحابيش
والفجر هايطلع ونكمل
لو حتى مافيش
غير حلم هانركب
ونعدي وياه ونعيش
محلاها الدنيا
اما بتضحك
من غير تهويش
بنلاقي الحزن بيتشعطر
في الهوا كالريش
لو تقدر تهرب من قدرك
طب فين هاتعيش
.............
اشرف الشناوي
شاعر عاميه
البرامون
المنصوره
ليست هناك تعليقات:
إرسال تعليق