ضَيّع طريقو النّوم..رافقني السّهَر
لا زَنبَق بها الكَون..ولا طَلّ القَمَر..
عم ابعت مراسيل..ما جاني خَبر
وهالجفن نزلت دمعتو لمّا انقَهر
... ...
يامواسم الألفة..اشتاقت أمانينا
نسهر سوا بها الكون..تفرح أغانينا
والله القلب مشتاق تزيّن شواطينا
مراكب ال فيها سافروا
لَ بعيد هالأحباب
... ...
عم تمرق ليالي الوجع
وحدو القلب سهران
لا شعر كفكف دمعتو
ضل الفكر حيران
فزعان يحكي حكايتو
ما أصعب الكتمان
لا سكوت عم ينفع معو
ولا صحبة الخلّان
... ...
وغفيت ع وراق الهوى
ماعرفت شواللي صار
ت وعيت بليل الجوى
وسَرقتني هالأشعار
مابعرف منين الحكي
عم يرسم الأفكار
سبحان الله يابشر
كيف زهّر النّوار
ريم محمد. سورية
ليست هناك تعليقات:
إرسال تعليق