اللي هزمت نفسي بنفسي
انا العربي
اللي كان حقيقي نفسي
اكون فارس
في عين ابني وعنيا
ودي الحكاية من اولها
الحكاية اللي حكاها
ابويا ليا
انا لابني حكيتها
وحطيت شويه
أننا اسياد الدنيا
واحنا اسياد اسيادها
حكينا واحلوة حكاوينا
نمنا وصحينا في ماضينا
لحد مافي يوم صحينا
مهزومين....... مكسورين
لا حول ولاقوة
والكسرة في عين ابني وعنيا
انا الكداب...... انا المهوم
انا المهزوم..... انا الهش المكسور من جوا
لا انا نبي
ولا قديس
ولا علي.. ولا الفاروق
ولا حتي ارجوز
في تمثلية
انا المهزوم.. انا الموهوم انا الهش مكسور من جوا
انا اسف يابني
الخنجر اللي في
ضهرك وضهري
مش بايد عدوي
دا بايديا
حسني محمود إسماعيل
ليست هناك تعليقات:
إرسال تعليق