عبرات فراتية بقلم عبد خلف حمَّادة

عبرات فراتية

عبد خلف حمَّادة 

-----------------------------------

 »علوا الحاضرو يُمن النعش شالا،لخلي الدمع فوگو تگول شنشاله،أخاف إنو نسانا وما نجي ببالا،ومرمرني بجفا واثر على چبودي....

 » يا عاذل كُفْ لايمتك تراهم،عزاز ولا بعد عيني تراهم،يحفار الگبر حاجه تهيل تراب تراهم،شباب وعافم الدنيا الزهيه

 » يا مِن عندو ذلول شداد و بكار،توصلني لدار الولف ببكار،راحم ولا خلم للمتعوس تذكار،ياريت الموت ماخذنا سويا

» يا مِن عندو ذلول شداد عجله،تا خذني لدار الولف عجله،آني ال چتلني الظعن لمن شفت عج له،ياضيم فراگهم فت لي الچباد

 » يا مِن عندو ذلول شداد وضحا،تاخذني لدار الولف بضحا،يا دمع العين چالحالول أضحى،أونْ ولا سمع وني حدا

 »يا مِن عندو ذلول شداد سرعه،تا خذني لدار الولف سرعه،يا هَمْ فراگهم جوا الحشا يرعى،عشاي هموم وفطُوْرِي غثا

»عليهم لَأَجِذْب الحسرات واندم

يحج لي أموت عاللي جرى واندم 

يا علتي سطت للشريان والدم 

وحَدِيْ صفيت ما ضلي حدا »نَقَط طير الحمام وصاح باليل 

وعلى گلبي يزود الغثا بالليل 

على مفارگ كحيل الطرف ياويل

شبيه البوم أنعق بالِخْرَاب 

»نقط طير الحمام وصاح خلوك 

شبيه السمال برض الظعن خلوك 

و يگلبي بمُخاط الخشب خلوك 

و نسوا أيامنا الچنا سويا

 »شرد مني دليل العگل ما رد

و بعد شيفيد كثر الأخذ والرد 

آني الخليت جفن العين مارد

لأجلهم بس،خانوني الحباب »يا عاذل لا تلوم الگلب بالهون، وعلى اللي دگم عروگ الگلب بالهون،

يا حيف بساع عشرتنا تهون، 

وِيَا اللي حلفم عليها للممات

 »يا گلبي شبيك ما تركح تراهم، نسوك ولا بعد عينك تراهم،إلك رب يعين دلالك على الهم، لگم غيرك و موالك مضى 

» يبو گلب ن غشيم و ما يتعلم،مشوا خلوك كل اعْضَاك عَلَّم 

يا ناب الذيب بالدَّلال عَلَّم،

مو ذنب الذيب،لحگتو النعاج

 »عَلَام العين ما بطل بچاها، 

بجنح غراب،عِلْم الشوم جاها،سألت الله بحق النبي وجاها،يصبرني على على عِظْم البليه

 »على فراگ الغوالي شكثر ونيت،وياحزني سوَّد الصفحات بالنيت،

لَوِنْ أدري يجيني السيل ونيت،لفاني البين وفراگك سويه

 »عليهم شرد لُب العگل و عميت،ولا حي ن بعد فرگتهم ولا ميت، 

عليَّ الناس تالي العمر لميت، 

عَلَيْ مجنون گالم واشتفم

 »العوز ما ردَّ النشامى عن الطيب،ومال الردي ماجاب زين الحچايا،لمصلصل الجدين ما تلفي العذاريب 

وما جاب غير الشَّين سوء النوايا

 »لأكتب أنا للعوز مكتوب باسمي، خليت كل الناس،و دگيت عظمي

 »ضليت مثل الهبيلة تضحك علي الناس،اللي أحبهم مشو ماضل للگلبي وناس

 »راحم ولا ودعم،يگلبي شلون تنساهم،لَگْعُد مع الضيَّعم وأبچكي على بچاهم

 »شمس العمر غرَّبت منهو اللي يتْنِيهَا، لَحْظَات لو تنشرى بالروح لشريها

 »ما أريد منك ذهب ولا ريد منك مال، ردتك تكون السند ليا الزمن لو مال

-----------------------------------

الشاعر والكاتب عبد خلف حمَّادة