.............. بنت الشقا.......
يابنت الشقا
مترشقه في جتتك
مسامير
ياشايله حمل الزمن
فوق الكتاف
دا كتير
ياصاينه توب العفاف
بالعرق والكد
يالابسه توب المرجله
والجد
يامغربله الوجع
ومنوره القناديل
ياراكبه مهر الشقا
لما الزمان بيميل
شقه الغيطان بسمتك
زي الغنا والنيل
عرقك دا مسك انبدر
وبيملا في الحواويل
لا في يوم عرفتي العوء
ولا سكة التمثيل
خطف الزمان ضحكتك
بالحزن والمواويل
واندق فيكي الوجع
والحلم جد عويل
........... ....... .....
اشرف الشناوي
شاعر عاميه
البرامون
المنصوره
ليست هناك تعليقات:
إرسال تعليق