العنوان
كل قلب من القلوب
اكيد ليها عنوان
وانا قلبي الوحيد
اللي مالوش عنوان
عنواني في كل حتة
فيها حب و حنان
يبقي ما ليش عنوان
كان ليا ميت عنوان
واياك حد فيكم يقولي
إن أنا اكيد غلطان
عنواني في قلب حبيبتي
اللي كانت صورتي
في عينيها تملي تبان
اللي بين جفون حبيبتي
ليلاتي سهران
اللي نايم بين رموشها
ومين يحوشها
ويخليها تنام وتنساني
وتغير العنوان
اللي قدرت تنسيني
كل حتة وكل حارة
كان ليا فيها ذكريات
هي دي صاحبة العنوان
عنواني في قلب حبيبتي
اللي ماتت
وماليش تاني ياناس
عنوان
بقلم
احمد محمود
من ديوان سكة العاشقين
ليست هناك تعليقات:
إرسال تعليق