ما بدي............................تزعلي مني
ويصير...........................الزعل عادي
بحبك...............من بعد الله عز وجل
وإعترافي.................إلك أكبر شهادة
رح...................إشتقلك يا سِت الكِلْ
وعليكِ......رح يحترق قلبي وفؤادي
وكرمال...................بحبك أنا رح فِلْ
وما بدي.................إشغل بالك زيادة
حبيتك...........ومن حبي إلك ما بملْ
وحإتذكرك............متل ما إذكر ولادي
وعندي....................ياكي بمعزة الكِل
بس.........الوطن بدو تضحية وإرادة
ومن كتر..........ما حكيتك لساني كَل
ولأجلك.......مستعد كل الناس عادي
بس..........معك ما بقدر عيش بالظُل
وإترك...............أهلي وأرض أجدادي
ومن..الصعب إقعد متفرج على التل
وأوقف..وكون صامت وعلى حيادي
ولبنان .............شعبوا ما عاد ينذل
ورايتو...........إرتفعت بوجه الأعادي
وقضى........عج يش الغازي المح تل
وصار..........عنوان للمحبة والسيادة
ورجالوا......صامدة عم تتحدى الكِل
وبترفض.........تنحني وتبوس أيادي
وشموخها.............عالي وين ما تحِل
ونفوسها أبية وما تعودت عالشحادة
ومن...أرض الوطن عم تحصد وتغل
وخيرات.........الأرض بتكفي وزيادة
ومن محبتي للوطن فيه أنا رح ضل
وما..تزعلي عليي إذا نلت الشhادة
ولما ...........على قبري حدن بيطل
يجبلي ......معو ورد وياسمين وفِل
حتى .......ضل إتعطر بريحة بلادي
بقلمي ♥️إسحاق قشاقش♥️
ليست هناك تعليقات:
إرسال تعليق