ساعات بتكون الهزيمة
وارها إنتصار متداري
والليل أكيد له قيمة
خلفه حيجي نهاري
ساعتها حعود لدياري
شمس ونجم مداري
مش معنى إنك فزتي
في مرة تبقي كسبتي
لا عشتي مرة لا كونتي
الظاهر إنك خبتي
ملك وليا أنا هبتي
وإنتي آخر خيبتي
خيبتي كانت في حرف
ايه يعني ما عندي كلام
عنوان غلط على الظرف
ولنبض القلوب أحكام
والحكم كان إعدام
وياما فقدت سهام
هزيمتي هي إنتصاري
لما رجعت لنفسي
وفارقتي ملكي ومداري
وبعدتي كمان عن بأسي
يا آخر مرارة في كأسي
وآخر ساعاتك يأسي
يحيى حسين القاهرة
23 يناير 2025
ليست هناك تعليقات:
إرسال تعليق