محظورة خلاص من كلماتي
ما حتقدر تعرف ولا تشوفها
دا خسارة فيها أبياتي
وخسارة الكلمة وحروفها
دي الكلمة بتداري كسوفها
على الوش هناك لسة كفوفها
محظورة خلاص من رناته
ما خلاص القلب تعب منها
ومسحها خلاص من دقاته
ولا يمدح مرة ولا يهينها
دا الظاهر قلبها في يمينها
أو جايز ممكن هرب منها
محظورة خلاص بلا ندامة
لا أخاصم مرة ولا اصالح
دي مشاعر سودة وهدامة
ما تخلي القلب بيوم صالح
دا القلب معاها كان طالح
والحب ما كان عمره مصالح
يحيى حسين القاهرة
25 يناير 2025
ليست هناك تعليقات:
إرسال تعليق