................
هتفضل تدارى في أحلامك
وأخريتها لفين
ما بأيدك لابس ثوب وهمك
ومغمض عين
لسنين وبتحلم حبيتها
ولا قلبك دق ولا ناديتها
بتقابلك ولا ضحكه شافيتها
ولا نظره عين
حاسس فى الهوى روميو ده عصره
وقليل الحيله لا فيه وصفه
ده لا يعرف ليل وسهر نصه
بينام ليومين
عاطل من الدنيا كتير فصله
ولا ترسه إتحرك ولا وصله
ماشيه بالتيله
يا دوب عايش
مديون ميه دين
إتلكفيت وإرجع لأحلامك بلا هم ودين
ومعاك مفاتيح كل بيبانك
والحظ سنين
لا في أين ولك ومنين هذا
وعيون حاسدين
إعشق وإتجوز وبراحتك
وإسعد يا حزين
لا أقساط وديون هاده فى حيلك والفرح سنين
لك يوم هيجيك تصحى يا فارس وتدوق من الويل
كفياك أحلام فين راح سيفك
وهتهرب فين
بقلم .. صبري رسلان
ليست هناك تعليقات:
إرسال تعليق