إنتظار
نار في قلبي بركان و قايدة
كل حياتي شوق وإنتظار
وكل يوم سهران وليلي
بنحلم سوا بشمس النهار
والحلم نجمة بسمايا دايرة
بس دايرة من غير مدار
وموجي نفسه يلاقي مرسى
دا موجي حتى من غير بحار
عصفور وتايه وفين وليفه
ما فيه وليف أو حتى دار
وبرد يسري من غير ميعاده
وبرد شوقي بطعم المرار
وأنت حبيبتي شمسي ونهاري
أنت حبيبتي بدون قرار
قدري أحبك واعيش لحبك
وعشقي ما كان إختيار
بس بعدك في برد ليلي
بركان بيغلي دخان ونار
نار وبرد في وقت واحد
وقد إيه دا إنتحار
يحيى حسين القاهرة
في 27 فبراير 2020
ليست هناك تعليقات:
إرسال تعليق