كشف الحساب
ابتدى
وقت العتاب
انتهى
تعالى يا اللي
في دنيتي
محبيتش غيرك
تعالى واقعد هنا
وبلاش خداع
حكايتنا خلصت
من. زمان
وجات. النهاية
بأيدك انت مش انا
سبب الخيانة
انا كنت حاسة بالخيانة
ومن زمان
وقلبي اللي صدقك
وأداك الأمان
هوا دا القلب اللي
دلني على الخيانة
تحب اقولك
انا شوفت ايه
شوفت الخيانة بتترسم
على فرشتي
شوفت العيون الكدابين
تبتسم لعيون غدارين
شوفت الأيدين الغدارين
ملست على خد غيري
شوفت الحكاية كلها
منك ياخاين
سمعت ضحكتها الخبيثة
وبقولها ما تفرحيش
اصل الخيانة دايمة
وما تنتهيش
هي الخيانة للخيانة
وابعدو يالحم رخيص
ياميتين بالحياه
انا عايزه اعيش
كشف الحساب انتهى
وما همنيش
بقلم
احمد محمود
من ديوان سكة العاشقين
ليست هناك تعليقات:
إرسال تعليق