انا لما ااقول كبرت
مش بالشعر الأبيض
ولا بعدد السنين
حتي ولو عمري ستين
انا اللي كبرني بجد
فرقة الناس الطيبين
فراق أغلي الحبايب
واشتياقي للحظة حنين
حضن دافي يضمني
ينسيني عذاب السنين
مشتاق للحظة حب
وكفاية بكي وانين
محتاج لقلب صافي
محتاج لحضن حبيبتي
أغلي حاجة في دنيتي
حياتي وحب السنين
حبيبتي وبعد فراقك
عرفت انتي مين
عرفت أن فراقك
هوا. اللي كبرني
مظلوم ياعدد السنين
مشتاق لنبضك واحساسك
مشتاق لريحة انفاسك
مشتاق يا كل الحنين
عرفتوا ايه اللي كبرني
مش الأيام ولا السنين
ولا الشعر الأبيض
اللي كبرني اشتياقي للحنين
ارجعي يا حب عمري
ارجعي يا عشرة سنين
خلاص وكبرت
بقلم
احمد. محمود
من ديوان سكة العاشقين
ليست هناك تعليقات:
إرسال تعليق