يا سلام علي الدنيا
لما بتفتح هويس احزان
واتمسمر علي عتبة حزني
واشتاق لحنان
وتاخدني تجببني تعريني
والمستخبي يبان
والعقل يروح طاير مني
والعيشة توهان
برضايا أو غصب عني
جوايا انسان
انسان وبدور عل الراحة
وفي حضن امان
واتاري الراحة مش في الدنيا
والأنسان غلبان
غلبان والدنيا دي واخدانا
لف ودوران
بتشيلي وبتهبدي فينا
والعيشة تمام
والحزن محفور جوانا
وف عيونا يبان
ومهما نداري ونخبي
في وشوشنا يبان
تعبتيني يا دنيا معاكي
وكفاية احزان
مشتاق للحب وغرامة
محتاج لحنان
روحت أو جيت في الأخر
جوايا انسان
بقلم
احمد محمود
من ديوان بنا الحروف
ليست هناك تعليقات:
إرسال تعليق