حلوة قوي ماقدرشي أوصفها
مهما أقول عمري ماهنصفها
الدلال يدَّارى لو شافها
والجمال لو يلمح طيفها
كان يتوه ف بديع أوصافها
قدها خدها شفايفها
ضحكها رقتها كسوفها
قلبي مال هيموت يعرفها
لو تميل تلقاني على كيفها
ع الحصان لابيض هخطفها
نسمة سارية تهوِّن صيفها
في الشتا شالها ومعطفها
لو تجوع هتشوفني رغيفها
في الخطر سكينها وسيفها
فيض امان بيدوِّب خوفها
خدني شوقي سرحت ساعتها
اتلفتت بصّت ف ساعتها
ندهِت عنيها ايديها سبقتها
فرح وسعادة الكون ماسعتها
كان حبيبها وصل ف ساعتها
هدت كياني أحلامي قطعتها
الروح تعاني بتداري لوعتها
العين كمان ف ثواني طاوعتها
على خدها نزلت دمعتها
يا ريتني كنت مشيت ف ساعتها
بقلمي/ خالد جمال ٢١/٦/٢٠٢٥
ليست هناك تعليقات:
إرسال تعليق