مليح الوجه ويا القد
حبيبي يا ناس كحيل العين
وخال بيلالي فيه ع الخد
وورده مغطي ع البساتين
مفيش أبداً ف أوصافه
ولا ف جماله شافت عين
مليح الماشية والخطوة
ده لو عدى تروحله العين
ليه هيبة يا خال وليه سطوة
ومش عارف واخدني لفين
شبكني ف لحظة خطافه
خطفني برمشه ف دقيقتين
مليح البصه والنظرة
بترمي سهام على الملايين
وجمر شفايفه نار حمرة
بتكويني على الجمبين
حبيبي وكل من شافه
بيسألني ده جاي منين
مليح الشعر فيه طاير
يطير ويشاغل الخدين
ولو يتلم ف ضفاير
ضفيرته يا ناس بتضوي العين
ده لولي جوه اصدافه
محال توصله أي ايدين
حبيبي الزين
بقلمي/ خالد جمال ٢٥/٦/٢٠٢٥
ليست هناك تعليقات:
إرسال تعليق