خلاص رجعت
ورميت سكينة الجزار
ومسكت قلم الشاعر
ومعاه الريشة والألوان
برسملك اجمل مشاعر
قطفت بأيدي ورد كتير
حواليه الشوك وكان واعر
اشم الوردة وادوسها
وكمان برميها في الشارع
وكتير وصفوني بالجزار
وقلبي مافيهوش مشاعر
واخر وردة بقطفها
بكت مني بكاء واعر
وخلاص قررت كمان ورجعت
لأول وردة في حياتي
في قلب كتاب رواياتي
بين الحروف اكيد جفت
ورميت سكينة الجزار
ومسكت قلم الشاعر
ومعاه الريشة والألوان
برسملك كل المشاعر
صورتك لساها جوايا
وفي قلبي كل المشاعر
وخلاص كرهت اكون جزار
ورجعت بنبض الشاعر
وقلب مليان بالحنان
والعطف ويا المشاعر
وأنا وقلمي والألوان
يا أجمل من رأت عيني
طالبين العفو والغفران
يا جوه القلب والعين
بقلم
احمد محمود
من ديوان حبة رتوش
ليست هناك تعليقات:
إرسال تعليق