هي دي الحكاية
من البداية للنهاية
حكاية عمر عشناه
حكاية وقت سرقناه
من دنيا زي الرحاية
لا بتهدي ولا بتتعبش
جينا الدنيا في لفة
ونخرج منها في لفة
وبين اللفة و اللف
بتشوف اهوال
اول ما نشوفها تبكينا
ويفرح بينا اهالينا
وتتعبنا وتسعدنا تشقينا
ونعيد القصة من تاني
ونعيد ترتيب احلامنا
ونحقق كل أمانينا
وتجيب لينا أهالي تانين
تسعدهم تشقيهم
وفي الأخر تبكينا تبكيهم
وفينا. اللي نبكي عليه
ويجي الدور ويبكونا
اه يا دنيا دوارة
اه. يا دنيا غدارة
اه يادنيا حجر صوان
لا بتهدي ولا بتتعبش
عمالة فينا تدوس
يا مكن من غير تروس
بتطحن فينا طحن
بتطحن كل شيئ فينا
بتطحن حتي اسامينا
وفي الأخر بنقابل
رب كريم يارب
يكون راضي قوي علينا
بقلم
احمد محمود
من ديوان بنا حروف
ليست هناك تعليقات:
إرسال تعليق