الدراما والثانوية العامة 2
من مذكراتي : د/ علوي القاضي
... وصلا بما سبق فإن الدراما تتواصل في تناول الثانوية العامة بوجهات نظر مختلفة ورسائل مختلفة وتشريح لفكر المجتمع ، ففي مسلسل (حضرة المتهم أبي) 2006 ، كان هذا الحوار الذي يعكس حقد (الطبقة الغنية) على أبناء (الفقراء) ، النابع من إستهتار أبناءها بالعلم والتعليم عكس الطبقة الفقيرة التى تحسن تربية أبنائها وحثهم على التفوق وكان هذا الحوار :
★ بقي إبن السايس بتاع الجراج يطلع الأول ، ويدخل الطب ، ويجيب مجموع زي ده ، وإبني أنا مش لاقي جامعة تلمه !
** حقه ، عارفة إبن السايس أو إبن البواب إتفوق على الكل ليه ؟! ، علشان نفسه ينط برا الفقر ، نفسه يبقى زي ولادنا وولاد الأغنيا ، ده حقهم وحلمهم بيحققوه بالإرادة ووجع الفقر ، إنما ولاد الأغنيا بقى ميهمهمش الجامعة ، هيعمل بيها إيه الشهادة ؟! شبعانين ، لكن ولادنا وولاد الموظفين اللي زينا حاجة تانية ، مش عارفين نشبع وبنجوع علشان ولادنا يبقى عندهم إرادة ينطوا بيها لفوق
... هذا الحوار يعكس فلسفة أبناء الذوات الأغنياء ، المولودين وفي فمهم ملعقة ذهب ، فلا قيمة للعلم في نظرهم ، على عكس فلسفة أبناء الفقراء الحارصين على تحسين وضعهم المادي والمعنوي ، وإقتناص موضع قدم لهم في المجتمع ، وكان فقرهم حافز لهم للترقي
... ونفس المعني ظهر جليا في مسلسل (الشهد والدموع) 2007 ، ولكن المصيبة هنا أن الإبن الفاشل الغني إبن عم الإبن الفقير اليتيم ، وتحت رعاية عمه ، وهنا يتجلى الحقد والحسد في أعلى مستوياته بالمقارنة فى نفس الأسرة وتتجلى هذه المعاني في الحوارات الٱتية :
... حواران معبران جدا ، بين (العم الغني) و (زوجته الحقودة) من ناحية ، وحوار ٱخر بين (العم) وبين (زوجة أخيه) من ناحية
... المشهد الأول بين (حافظ) الغني وزوجته
★ تعرفي أحمد إبن شوقي جاب كااام ؟! جااب ٨٠٪
** إيه ؟!
★ مجموع يدخله أكبر كلية في البلد
** يدخله إيه ، إياك إنت ناوي تسيبه يخش كلية
★ وأنا هحوشه ميخشش الجامعة
** أيوة طبعاً ولزومها إيه الأنعرة ، كفاية أنه خد شهادة يا حافظ ، يروح يتوظف بيها ، ويصرف علي أمه وأخواته ، ويشيل من علينا حملهم
★ أيوة بس المجموع اللي جابه هيخليه شبطان في الجامعة
** وأمه هتشبط أكثر يا حافظ ، عشان عايزة تخليه أحسن من إبنك سمير وزمانها الفرحة مش سايعاها وبتحكي للي حواليها إن إبن حافظ طلع خايب وإبني طلع أشطر منه
... ويستجيب حافظ لحقد زوجته ويحاول تثنية زوجة أخيه عن إلتحاق إبنها المتفوق بالكلية
... ويدور الحوار الثاني بين حافظ وزوجة أخيه
★ مصممة تدخلي إبنك الهندزة يا زينب ؟!
** دي حاجة متزعلكش يا حافظ !
★ تبقي عاملاها بالعِنية بقا ، عشان عارفه أن سمير إبني مجبش مجموع ، عايزة ولادك يبقوا أحسن من ولادي !
** وهيبقوا أحسن يا حافظ!
★ مش هيحصل يا بنت جعفر !
** هيحصل بإذن الله يا ابن الحاج رضوان ، وهنشوف !
... حقد وغيرة وحسد ومحاولة العم لإفشال إبن أخيه المتفوق ، وإصرار من الأم على الإرتقاء بإبنها
... وإلى لقاء في الجزء الثالث والأخير
... تحياتي ...
ليست هناك تعليقات:
إرسال تعليق