حريف
ياما قالوا عليه ف الشوق خبرة
ولعيب حريف
ومالوش كده زى وحاله نادرة
ف العشق عنيف
وانا قلبي ضعيف معدوم قدرة
ومالوش تصنيف
نساني النوم أنا من فترة
وبنام تخاطيف
أبو جفن كحيل ورموش قادرة
حدها كالسيف
أبو عين نظرتها يا ناس قاتلة
وانا قلبي ضعيف
أبو ضحكة تداوي من الكسرة
ابو دم خفيف
أبو همسة بتاخدك لمسرة
وكلام ع الكيف
أبو خد عليه ورده بكترة
ف ربيع وخريف
وشفايفه يا ناس زي الجمرة
الطف يا لطيف
وعسلها يسيل زي الخمره
وبريقها خطيف
ده ملكني بنظرة كما السحره
وماليش تصريف
وسقاني هواه كده حاجه صفرا
خدرني الطيف
ده شويه عليه يتقال خبرة
وكلام تخريف
ده حبيبي معلم بالفطرة
ومالوش توصيف
حريف
بقلمي/ خالد جمال ٢٧/٧/٢٠٢٥
ليست هناك تعليقات:
إرسال تعليق