زرعة خايبة
زرعت الحب و. بفاسي
في ارض كانت مش ارضي
طرحت شجر وكمان عناقيد
ولما كبروا هجروني
وبعدوا بسرعة وسابوني
لا طلعوا اهلي ولا عرضي
راعيت الزرعة و بأخلاص
ونسيت معاهم اغلي الناس
وبالرخيص هما باعوني
رويتهم بدموع عيني
وبالمرار هما سقوني
ابكي علي بختي المايل
ولا علي اللي بكوني
وكل ما اسأل واحن ليهم
الأقيهم لطوب الأرض شكوني
اتاري الزرعة كانت خايبة
واتعلقت في حبال دايبة
ولما كبرت وجات الشدة
والعافيه راحت وجات هده
ما لقيتش في أيدي الا همومي
وحتي الفاس ضاع مني
وجن جنوني ولكني
راضي بالقسمة و المكتوب
وربك عادل ما يظلمني
ومش ندمان ولا زعلان
ولا حتي عللي راح مني
وشيئ جوايا بيطمني
وربك والله. رب قلوب
دا انا زارع الخير وبفاسي
حتي والله ما انا ناسي
إن الأرض مش ارضي
دي البذرة هي اللي خيبانة
بقلم
احمد محمود
من ديوان بنا حروف
ليست هناك تعليقات:
إرسال تعليق