انا العاشق
عرفت الحب وجربتة
وعشقت كل التفاصيل
مشيت في شوارعة ودروبة
طول النهار وكمان الليل
عشقت البيضة. والسمرة
والخمرية ام شعر طويل
والنحيفة كما الغزلان
والدبدوبة ام خد جميل
لكن قلبي عمره ما دق
غير مرة واحدة حبيتها
جريت وراها كما السكران
او المسحور. لباب بيتها
نسيت قوام كل. الألوان
وفضلت حبيبتي السمرة
بيني وبينها بلاد كتير
وليلاتي يشوفها مع القمرة
سكنت قوام في أحضانها
حبيبتي الطيبة السمرة
وف عنيها بقالي عنوان
ونومتي تملي في احضانها
وبقيت خلاص انا العاشق
ولحبي ليها الف دليل
عاشق لريحتها في أحضانها
وف شفايفها كل التفاصيل
حبيت الحب علشانها
ولأحضانها لما تميل
وتاخدني تجيبني وتسكرني
بخمر شفايفها ليلاتي قتيل
وفي لحظة اتبدلت هي
وبقت حياتنا تملي سكوت
ضحك عليا و عليها
وسهاني وخطفها الموت
يا كاسرة قلبي وضلوعي
علي فراقك يا ورق التوت
عايش. وحيد مع احزاني
ومستني يزورني الموت
بقلم
احمد محمود
من ديوان. سكة العاشقين
ليست هناك تعليقات:
إرسال تعليق