صديق عمري
ماتبصليش يا صديق عمري
نظرة عنيك طلقة ف صدري
لو خنتك انت بخون نفسي
بخون صبايا انا من صغري
إزاي تشك ف صاحبك يوم
ليه بس تسقط من نظري
وازاي عليَّا العشرة تهون
لو كت تهون كان من بدري
كل اللي وصلك كدب وزيف
بكلام قالوه وعادوه عني
مالوش أساس وهم وتخريف
عشان تروح وتضيع مني
قالوا عني إني بحب حبيبتك
وعليها قلت دي من بختي
وكلام كده يقلل من هيبتك
تحرم عليا دي زي أختي
لو كان صحيح كنت أنا سيبتك
وماكانشي يوم هتشوف وشي
ماقدرش ألوم على ناس خاينين
بعتاب رقيق دانا ألوم صاحبي
إزاي تضيع كده أحلى سنين
لو ضاع صديق بيزيد قهري
يكفيني نظرة رضا ف العين
عشان أنت سندي اللي ف ضهري
ماتبصليش يا صديق عمري
بقلمي/ خالد جمال ١٩/٧/٢٠٢٥
ليست هناك تعليقات:
إرسال تعليق