................
أنا الحب اللي يوم جاني
ما حسيتهوش
أنا الفرحه اللي منسيه
في بعض وشوش
أنا المخدوع في ناس مني
ما يتعاشروش
في قول الحق
حارميني لا أقول ولا أشوف
ساقوني المر لجراحي
طلع مغشوش
وفضلوا يدوسوا على وجعي
قالوا ما شافوش
هقفل بابي على حالي
يا ريت ما يجوش
وألملم همي كفياني
في كدب وشوش
لا عايز شهد نواياكم
وما تحاولوش
ده ياما أنا دوقت ولا موتيش
ما تتخضوش
مسيركم تدوقوا من كاس
الألم مخصوص
ومهما تداروا فضايحكم
على المكشوف
ما بين اللحظه والتانيه
تبان لي وشوش
وهصبر يوم هيجي حقي
وأعيش منصوف
وأعوض نفسي ما إتمنت
ولا عاشيتوش
وألاقي قلوب بطيبتها
بياض لوشوش
يداوا بصدق أوجاعنا
بضي بشوش
وبعد القسوة وده كله
أنا محظوظ
بقلم .. صبري رسلان
ليست هناك تعليقات:
إرسال تعليق