سهران يا ليل والشوق تاعبني
هيمان وقلبي تملي وحيد
ماتجيب يا ليل محبوبي جمبي
ف العشق ياما نقول ونعيد
امتى الجميل يميل يا ليل
ويحس حبي
ويطفِّي ناري من التنهيد
ما تروح ياليل تحكيله تعبي
توصفله حيرتي وهوه بعيد
مشتاق خلاص وجبت أخري
خلاص ماعادشي الصبر يفيد
بتقول ده صعب والوقت وخري
لو مش هييجي هروحله أكيد
ده ياريت تعدي ويجيني بدري
ويبقى فجرك يوم العيد
دي الروح معاه وهواه ده قدري
والعين دموعها تملي تزيد
أبوس ايديك ده كل عمري
يرضيك أموت ف العشق شهيد
سهران ياليل
بقلمي/ خالد جمال ٥/٩/٢٠٢٥
ليست هناك تعليقات:
إرسال تعليق