محظوظ أنا
بغرام حبيبي
أصل الهوى
والعشق يابني حظوظ
محظوظة روحي
محظوظة عيني
علشان ده واد لذُّوذ
أول ما شفته قلت إنه ليّا
والقلب ليه محجوز
وسألت قلبي قال هيه ديه
ده يا ريت بحبه نفوز
ده جمال عنيها
حاجه مش عادية
م الهم بيها تلوذ
والدم خفة حاجة ربانية
شربات عنب على لوز
أما الشفايف طعمها
طعم القطايف
تسحر بلونها الروز
ف ايديه صوابع
هتشبعك
لو كنت جايع
دي عشان صوابع موز
بتشيل ف همك
ويروق معاها بسرعة دمك
لو كنت ضارب بوز
الصوت كمان كروان يغني
صوت فيه حنان
وواخدني مني
صوت غطى على فيروز
إن هل طيفه تحصل عجايب
دايما معاه النسمة جايب
بتلاقي حر الدنيا غايب
لو كان في عز تموز
محظوظ بقرب حبيبي مني
محظوظ معاه من صغر سني
ولحد مابقى عجوز
محظوظ
بقلمي/ خالد جمال ١٦/٩/٢٠٢٥
ليست هناك تعليقات:
إرسال تعليق