وإيه هيفيد تقول كلمة
بحبَك للي مايحسش
ده كان واضح عليه جداً
لكن إنت اللي مافهمتش
عشانُه الصعب عدّيتُه
ومن وقتك ياما إديتُه
زرعت الورد وهَديتُه
لناس أصلاً ما بتشمّش
وإيه هيفيد تقول كلمة
بحبَك للي مايحسش
وإيه هيفيد تصون الود
لناس ماصانتش يوم ودك
وقابلوا محبتك بالبُعد
ولا عرفوا في يوم قيمتك
بلاش من تاني ترضيهم
ولا تشغل بالك بيهم
خلاص سيبهم لضمايرهم
وسيب الجهل يعميهم
وإيه هيفيد تقيد النور
لأعمي أكيد مابيشوفشي
لا شاف إنك في يوم مكسور
ولا قدّر ولا عرفشي
جزاء إهماله الإهمال
ويتفارق أوام في الحال
لا يستاهل في يوم قلبك
ولا الحب اللي بإستقتال
بقلمي عبدالحميد وهبه
ليست هناك تعليقات:
إرسال تعليق