. وبين الحضن والضمة
بشوف نفسي ف نن العين
كأني في حتة م الجنة
بحبك وليه ماليني الخوف
دا الكل راضي وبيهني
وحبك صبح طريق مكشوف
و خوفي من البعد يألمني
يا ماليه قلبي وكياني
يا عمري وكل شيئ فيا
يا فرحة قلبي وغرامي
يا اجمل ما شافتها عنيا
والعشق دا قدر مكتوب
والهجر ليه مقسوم ليا
قصتنا غنوها بربابه
وبكيوا عليكي و عليا
وقبل ما تكمل فرحتنا
اتاري الموت كان مستني
جاني في حلم وفرحني
و ضحك. عليا وخدك مني
الدنيا اسودت ف عيوني
والقلب بقي يوجع فيا
يصرخ ويبكي من جوه
وتساعده دموعي وعنيا
خلاص تعبت من الأحزان
ارتاح ياقلبي وعنيا
بقت حياتي ف التوهان
والحزن دا عشش فيا
ليلاتي ف منامي تجيني
تواسي قلبي وعنيا
انام واصحي وعيوني
في دموع وبركه حواليا
ببكي عليكي بدمع العين
ودمي وكل شيئ فيا
يا اغلي عندي ما في الكون
يا ماليه قلبي وعنيا
بقلم
احمد محمود
من ديوان. سكة. العاشقين
ليست هناك تعليقات:
إرسال تعليق