.............
من الشقى أنا بنام
ولا بتعشى
ولا مرة أنا فكرت أتمشى
عايشه وما بين سطح عماره
وسلالم جردل ومقشه
وبشوف الناس أصغر مني
من فوق السطح وبتمشى
لا أنا عامله أنا فيها
بنت فكيهه وقنصل وز البيه
والكعب العالي مبرجل حالي
وفساتين بنت البيه
ما الحاله مافيش
عايشين تطنيش
هنقضي الشهر بأيه
وإخواتي حتاته وأم شحاته
تبيع مناديل بجنيه
أطبخ للست وأدادي البت
وأفسح كلب البيه
دول كام ملطوش
غرفه على سطوح
فى المطره دي بحر يا بيه
بتقولوا غروري وتتهموني
وجيبي ما فيهش جنيه
لا الماشيه وعاجبه وليه متراقبه
وفين من بنت البيه
بتقولوا طموح
وده فين في سطوح
وسلالم بالأبونيه
وبفك الخط وأتوة في السطر
وبشقلب ث لل ت
كده رضا وبشوف أحلام
بلا خوف
وبعيش ولا بنت البيه
بقلم .. صبري رسلان
ليست هناك تعليقات:
إرسال تعليق