.......................
إمسك حرامي يا جدع
ضلم فرح
عشيم ودان صاحبه بحلق
كسره إنجرح
فركش خطوبته بالخداع
شوكه طرح
إمسك حرامي يا جدع
فالوش صاحب جدع
في الضهر سيف
عشقه لجمال خطوتك
بافره لكيف
هييجي يوم ينضغك
لقمه رغيف
إمسك حرامي يا جدع
خد حق غيره بالتحايل
والأنا
داس ع اللي منه باع رخيص
إبليس غواه
بين يوم وليلة نط فوق
برج في سماه
إمسك حرامي يا جدع
حاسد في جاره ع النعم
أعمى البصر
يتمنى يأخذ نعمته يوم يتكسر
قل إيمانه من ضعيف
لمفيش خسر
إمسك حرامي يا جدع
له ألف وش
قدامنا شهد وعسل
وورانا مش
رامي ودانه للجيران
نفاق وغش
إمسك حرامي يا جدع
لأجل المدام أولا يهين فى أبوه
دايس على نبع الحنان
واللي جابوه
لا كلمه حلوه تكون سند
وجحود لاقوه
إمسك حرامي يا جدع
بقلم .. صبري رسلان
ليست هناك تعليقات:
إرسال تعليق