......................
لا صعبت عليه
تاني ولا أول
عشيمني له سنه فاتني وطول
ورسم لي قصور في الهواء طارت
عباد للمال فجأه إتحول
إتنكر ليا وباع طيبتي بالغدر رخيص
شوه سمعيتنا بثوب كدبه
للهد حريص
بالباطل قال ياما علينا
غشاش وخسيس
من الصبر صبرنا وما طمرشي
ده ما بيسميش
عايز يساومني أكون جاريه
وما يفضحنيش
وأدفع له وصوري المخفيه
والقصد خبيث
غلطيتي إن أنا كنت بأمنه
بسذاجه وطيش
مرر أيامي الله يسامحه
في الذل بعيش
خايفه أتكلم ولا أنكر
مش صوري دي فييك
يتغابى ينفذ تهديده
وفضيحتي شريك
أسكت وأتنازل عن حقي
وأبيع لحمي رخيص
ولا أصرخ مين فيكوا يسمعني
يسندني لأعيش
مسلوبه إرادتك وجبانه
ولا بتواجهيش
لا أنا أول ولا آخر واحده
واقفه ما تمشيش
بقلم ..صبري رسلان
ليست هناك تعليقات:
إرسال تعليق