...............
مع السلامة
وسيب لي قلبي اللي إتجرح
وإبعد بعيد وإتهنى وأسعد بالفرح
الذنب ذنبي سقيت ورود شوكك طرح
ولا كان في باللي
أول ما يجرح هتجرح
شايف دموعي ع الخدود
فاتني وهجر
بيقوللي ليلك راح غيوم
ما فيهوش قمر
بعد اللي خدته من شبابي
تقول قمر
ده أنا كل إحساسي وكياني
بهمسه منك تؤتمر
كان نفسي أسامحك
وألقى ذنبك يغتفر
صعبان عليا كل ورده قطفتها
كلمه وهمسه وكل لمسه كرهتها
كان نفسي أشطب كل دقه شغلتها
وأرمي جنوني
وكل لحظه عشقتها
ما أنت إبتديت وخنقت أحلام بعتها
حتى اللي راح
بتقول نسيت أيه شكلها
خنت اللي صان لياليك غرام
وسقاك بشوق حب وهيام
جاي النهارده تقول هسيبك للعذاب
مع السلامه أخرج
وروح من ألف باب
وبأيدي هكتب يوم وفاه
عشقي اللي كان
عمر اللي مات ما هيصحي تاني
مهما كان
وإنسى إني أعود لقلب غدار
ده كان زمان
بقى طبع فيك
إنك تبيع حتى الأمان
مع السلامه من النهارده
ما فيش مكان
بقلم .. صبري رسلان
ليست هناك تعليقات:
إرسال تعليق